"Брайтон" футболчиси Карлос Балеба катта эҳтимол билан ёзда жамоада қолади. "Чайкалар" раҳбарияти ярим ҳимоячини "Манчестер Юнайтед"га қўйиб юбормоқчи эмас. IndyKaila News хабарига кўра, камерунлик ўз жамоаси боссларининг бундай қароридан жуда ҳафсаласи пир бўлган.
"Манчестер Юнайтед" футболчини сотиб олиш нияти билан "Брайтон"га бир неча бор мурожаат қилган. Дастлаб "чайкалар" 115 млн евродан ортиқ нарх белгилаган. Шундан сўнг, клуб манкунианликлар билан трансфер имкониятини муҳокама қилишни умуман хоҳламади.
Балебанинг ўзи бу ҳолатдан чин дилдан хафа. Хавбек ёзда "Манчестер Юнайтед"га ўтмоқчи.
Ўтган мавсумда 21 ёшли футболчи "Брайтон" сафида 40 та ўйинда майдонга тушиб, 4 та гол урди ва 2 та голли узатмани амалга оширди.
