Лондоннинг "Арсенал" клуби ҳимоячиси Риккардо Калафьори "Манчестер Юнайтед" устидан қозонилган ғалаба ҳақида фикр билдирди.
Англия Премьер-лигасининг 1-туридан ўрин олган учрашув 1:0 ҳисобида якунланди. Ягона гол 13-дақиқада Калафьори томонидан киритилди.
"Мавсумни бошлаш учун бундан яхшироқ сценарий йўқ. Манчестер - менга омад келтирадиган шаҳар, аммо ўтган йили "Сити" дарвозасига урилган гол анча ёқимлироқ эди. Аммо бугун ҳам ҳаммаси муваффақиятли кечганидан хурсандман," - деди Калафьори Sky Sports’га берган интервьюсида.
Англия чемпионатининг 2-турида "Арсенал" ўз майдонида "Лидс"ни қабул қилади.
