Londonning "Arsenal" klubi himoyachisi Rikkardo Kalafyori "Manchester Yunayted" ustidan qozonilgan g‘alaba haqida fikr bildirdi.

Angliya Premyer-ligasining 1-turidan o‘rin olgan uchrashuv 1:0 hisobida yakunlandi. Yagona gol 13-daqiqada Kalafyori tomonidan kiritildi.

"Mavsumni boshlash uchun bundan yaxshiroq ssenariy yo‘q. Manchester - menga omad keltiradigan shahar, ammo o‘tgan yili "Siti" darvozasiga urilgan gol ancha yoqimliroq edi. Ammo bugun ham hammasi muvaffaqiyatli kechganidan xursandman," - dedi Kalafyori Sky Sports’ga bergan intervyusida.

Angliya chempionatining 2-turida "Arsenal" o‘z maydonida "Lids"ni qabul qiladi.