Инсайдер Фабрицио Романо "Челси" ҳужумчиси Николас Жексоннинг келажаги ҳақида маълумот берди.
"Кўклар" сенегалликни трансфер ойнаси ёпилгунга қадар сотиб юбормоқчи, чунки энди унга клубда ишонишмаяпти. Айни дамда Премьер-лиганинг бир неча клублари 24 ёшли ҳужумчи бўйича музокараларни давом эттирмоқда. Бундан ташқари, "Милан" ҳам пойгадан чиқиб кетмаган: агар "Челси"нинг талаби жуда юқори бўлмаса, "россонерилар"нинг футболчи учун курашда имкониятлари анча юқори.
Transfermarkt талқинига кўра, Николас Жексоннинг нархи 50 млн еврога тенг. Аввалроқ, футболчи учун асосий даъвогар сифатида Англиянинг "Ньюкасл" клуби тилга олинган эди.













