Хаби Алонсо "Барса" иштирокидаги Ла Лига ўйинини АҚШда ўтказиш имконсиз деб ҳисобламоқда.
Аввалроқ Испания Қироллик футбол федерацияси "Барселона" ва "Вильярреал" ўртасидаги ўйинни декабрь ойида Майамида ўтказиш бўйича УEФАга сўров юборгани, каталонияликлар 5-6 млн евро олиши мумкинлиги ҳақида хабар берилганди. "Реал" Испания чемпионати ўйини мамлакат ташқарисида ўтказилишига қарши чиқди.
— Майамида Ла Лига ўйини ўтказилиши ҳақида қандай фикрдасиз? У мусобақа моҳиятини бузиб қўймайдими?
- Клубимизнинг баёнотига мутлақо қўшиламан. Агар қоидалар ўзгартирилса, бу мусобақанинг барча иштирокчилари томонидан ҳал қилиниши керак. Ҳозир бундай эмас", - деди "Реал" бош мураббийи Алонсо.













