"Байер" вингери Амин Адли "Борнмут"га ўтишга яқин турибди. Бу ҳақда TEAMtalk хабар берди.
Манба берган хабарга кўра, инглиз клуби марокашлик футболчининг трансфери борасида "Байер" раҳбарияти билан келишувга эришган. Адли тез орада тиббий кўрикдан ўтиш ва шартнома имзолаш учун Англияга келади.
Қайд этилишича, "Борнмут" леверкузенлик форвард учун тахминан 30 миллион евро тўлайди. Ўтган мавсумда Амин Адли "Байер"нинг 28та ўйинида майдонга тушиб, 2та гол урди ва иккита голли узатмани амалга оширди.
Transfermarkt 25 ёшли футболчини 18 миллион еврога баҳоламоқда.













