"Севилья" клуби ва Испания терма жамоаси ҳужумчиси Альваро Негредо яқин орада "Манчестер Сити" сафида пайдо бўлиши мумкин. Бу ҳақда Goal.com шундай ёзади.
Инглизлар трансфер учун 21,2 миллион евро тўлашга тайёрлар. Негредога яна бир ҳаридор "Атлетико" эса бундай рақобатда "шаҳарликлар" олдига туша олмаяпти.
"Ҳозирча таътилимнинг сўнгги кунларини ўтказяпман. Менга ҳеч нарса аниқ эмас. Билганим, шанба куни "Севилья"да бўлишим керак", деди Негредо.
Қайд этиш жоиз, "Севилья" президенти Хосе Мария дель Нидо "Атлетико"нинг улар сўраётган суммани тўлашига кўзи етмаслигини маълум қилганди: "Бугунги кунда уларда Негредо ҳарид қилиш учун имкониятлар йўқ ҳисоби. Охирги 10 кунда ҳеч қандай музокаралар ўтказмадик".
