Мадриднинг "Реал" клуби ва Винисиус Жуниор янги шартнома шартлари бўйича келиша олмади.
Клуб бразилияликка йилига 20 млн евро маош таклиф қилган, бироқ вингернинг агентлари бу етарли эмас деб ҳисобламоқда, деб ёзади ESPN. Винисиус вакилларининг мантиғи қуйидагича: ҳозирда футболчи йилига 17 млн евро маош олмоқда ва маошнинг бундай арзимаган ошиши учун шартномани узайтиришдан маъно йўқ. Винисиус йилига 20 млн евро ва бонуслар кўринишида 10 млн олишни хоҳлайди - Мадридда бундай талабларни қондиришлари даргумон.
Айни пайтда музокаралар музлатилган. Винисиус жорий мавсумни "Реал"да ўтказишни режалаштирмоқда, келаси ёзда эса келажаги борасида якуний қарорни қабул қилади.
