"РБ Лейпциг" ҳужумкор ярим ҳимоячиси Хави Симонс жамоасини ўзгартиришга тайёргарлик кўрмоқда. Нидерландиялик футболчи "Челси"га ўтишини узоқ вақтдан буён кутмоқда. Футболчи хаёлан Лондонда бўлишига қарамай, "қизил буқалар" мураббийлар штаби уни Бундеслига 1-туридан ўрин олган "Бавария"га қарши жума кунги ўйинда асосий таркибда майдонга туширишни режалаштирмоқда, дея хабар бермоқда журналист Флориан Плеттенберг. Кейинроқ 22 ёшли футболчининг "Челси"га трансфери ёпилиши кутилмоқда.
Хави Симонс Лондон клуби билан шартнома шартлари бўйича келишувга эришди, у фаолиятини давом эттиришнинг бошқа вариантларини кўриб чиқмоқчи эмас. "РБ Лейпциг"га эса ҳали ҳам расмий трансфер таклифи келиб тушгани йўқ.
