"Кристал Пэлас" "Вулверхэмптон" ҳужумчиси Хван Хи Чхан трансферига қизиқиш билдирмоқда, деб хабар берди журналист Бен Жейкобс.

Манбага кўра, Лондон клуби футболчини ижарага олишни режалаштирмоқда. 29 ёшли кореялик футболчи аввалроқ жамоанинг асосий таркибидаги ўрнини йўқотганди.

Шунингдек, ҳужумчига франциялик футболчилар ҳам қизиқиш билдирган. Аммо футболчининг ўзи фаолиятини АПЛда давом эттириш ниятида.

2024/25 йилги мавсумда Хван Хи Чхан барча турнирларда 25 та ўйинда майдонга тушиб, 2 та гол урди ва 1 та голли узатмани амалга оширди. Унинг шартномаси 2028 йилнинг 30 июнига қадар амал қилади.

Transfermarkt портали футболчининг трансфер қийматини 12 миллион еврога баҳолаган.