Дэвид Мойес 1-турдан кейин АПЛдаги ҳакамликни танқид қилди.
Душанба куни "Эвертон" сафарда "Лидс"га ютқазиб қўйди (0:1), 84-дақиқада пенальтидан ўтказиб юборилган тўп ливерпулликлар сардори Жеймс Тарковскининг қўлига теккани учун тайинланди. Лукас Нмеча 11 метрни голга айлантирди. Учрашувни Крис Кавана бошқариб борди.
"Мен охиригача бу пенальти эмаслигини таъкидлайман, ҳақиқатан ҳам пенальти бўлмаган деб ўйлайман. Мен ҳакамга мурожаат қилдим. Ҳакам, аслида, бу унинг қарори эмаслигини, ВАР қарор қилганини айтди.
Умуман олганда, биринчи турда ҳакамлар ёмон иш қилишди деб ўйлайман. Шубҳали қарорлар кўп эди ва бу улардан бири бўлди", - деди "Эвертон" бош мураббийи.
