"Манчестер Сити" марказий ярим ҳимоячиси Сверр Нюпан ижара асосида "Мидлсбро"га ўтди. Бу ҳақда Чемпионшип клуби матбуот хизмати расмий сайтида хабар берилди.
Норвегиялик хавбек жорий мавсум якунига қадар "Мидлсбро" шарафини ҳимоя қилади.
Нюпан шу ёзда "Манчестер Сити" футболчисига айланди. 18 ёшли ярим ҳимоячи "Русенборг"дан 14,5 млн еврога сотиб олинди. Норвегия чемпионатининг ўтган мавсумида Нюпан тўққизта ўйинда майдонга тушиб, битта гол ургани билан ёдда қолган.
Чемпионшипнинг икки туридан сўнг "Мидлсбро" олтита очко билан иккинчи ўринда бормоқда.













