Яқинда "Аталанта" форварди Адемол Лукман ёзда "Интер" сафига ўтмаслиги маълум бўлди. Шу муносабат билан "нерадзуррилар" раҳбарияти "Челси" ҳужумчиси Кристофер Нкункуга эътибор қаратди.
CaughtOffside хабарига кўра, "Интер" 27 ёшли француз трансфери бўйича "Челси" билан музокараларни қайта бошлаган. Август ойи бошида клублар Нкункунинг эҳтимолий трансферини муҳокама қилишган эди.
ОАВ маълумотларига кўра, айни дамда футболчи "Бавария"га ўтишга яқин турибди.
Ўтган мавсумда ҳужумчи Лондон клуби сафида 48 та ўйинда майдонга тушиб, ўз ҳисобига 15 та гол ва 5 та голли узатмани ёздириб қўйди. Transfermarkt Нкункунинг нархини 35 млн еврога баҳоламоқда.
