"Марсель" ярим ҳимоячиси Адриен Рабьо кийиниш хонасидаги можаро туфайли ёзда клубни тарк этиши мумкин. Бу ҳақда инсайдер Фабрицио Романо хабар бермоқда.
Яқинда Рабьо ва унинг жамоадоши Жонатан Роу "Ренн"га қарши ўйиндаги мағлубиятдан сўнг жанжаллашиб кетишди. Шундан сўнг, клуб раҳбарияти айбдор футболчиларни вақтинча машғулотлардан четлатишга қарор қилган.
Манбага кўра, энди француз клуби Рабиони сотувга қўйган. "Марсель" бош мураббийи Роберто де Дзерби французни жамоада кўришни истамаяпти. Футболчи билан хайрлашиш нияти ҳақида унинг агентига ҳам маълум қилинган.
Рабьо ўтган мавсум "Марсель" сафида 31 та ўйинда 10 та гол ва 6 та голли узатмага муаллифлик қилган. Унинг клуб билан шартномаси 2026 йилнинг ёзигача мўлжалланган.
