"Marsel" yarim himoyachisi Adriyen Rabyo kiyinish xonasidagi mojaro tufayli yozda klubni tark etishi mumkin. Bu haqda insayder Fabrisio Romano xabar bermoqda.

Yaqinda Rabyo va uning jamoadoshi Jonatan Rou "Renn"ga qarshi o‘yindagi mag‘lubiyatdan so‘ng janjallashib ketishdi. Shundan so‘ng, klub rahbariyati aybdor futbolchilarni vaqtincha mashg‘ulotlardan chetlatishga qaror qilgan.

Manbaga ko‘ra, endi fransuz klubi Rabioni sotuvga qo‘ygan. "Marsel" bosh murabbiyi Roberto de Dzerbi fransuzni jamoada ko‘rishni istamayapti. Futbolchi bilan xayrlashish niyati haqida uning agentiga ham ma’lum qilingan.

Rabyo o‘tgan mavsum "Marsel" safida 31 ta o‘yinda 10 ta gol va 6 ta golli uzatmaga mualliflik qilgan. Uning klub bilan shartnomasi 2026 yilning yozigacha mo‘ljallangan.