"Челси" форварди Кристофер Нкункунинг "Бавария"га трансфери тўхтаб қолди, дея хабар бермоқда Guardian.

Манбага кўра, 27 ёшли французнинг трансфери билан боғлиқ муаммолар туфайли лондонликлар "Лейпциг" ярим ҳимоячиси Хави Симонсни ўз сафига қўшиб ололмаяпти.

Нкунку ўтган мавсумда 48 та ўйинда 15 та гол урди ва 5 та голли узатмани амалга оширди. Унинг шартномаси 2029 йилнинг ёзигача амал қилади.

2024/25 йилги мавсумда Симонс 33 та ўйинда майдонга тушиб, 11 та гол урди ва 8 та голли узатмани амалга оширди. Transfermarkt портали футболчининг нархини 70 миллион еврога баҳоламоқда.