Италия терма жамоаси бош мураббийи Женнаро Гаттузо "Интер" ҳужумчиси Франческо Эспоситони илк бор терма жамоага чақириши мумкин, деб хабар берди журналист Маттео Моретто.
Манбага кўра, 20 ёшли футболчи миллий жамоадаги дебютини ЖЧ-2026 саралаши доирасида Эстония (5 сентябрь) ёки Исроил (8 сентябрь) терма жамоаларига қарши ўтказиши мумкин.
Клублар ўртасидаги жаҳон чемпионати-2025'да Эспозито "Интер" сафида 2 та ўйинда 1 та гол урди ва 1 та голли узатмани амалга оширди. 2024/25 йилги мавсумда у "Специя"да ижарада ўйнади, 40 та ўйинда 19 та гол урди ва 3 та голли узатмани амалга оширди.
Ҳужумчининг миланликлар билан шартномаси 2030 йилнинг 30 июнига қадар амал қилади.
