Italiya terma jamoasi bosh murabbiyi Jennaro Gattuzo "Inter" hujumchisi Franchesko Espositoni ilk bor terma jamoaga chaqirishi mumkin, deb xabar berdi jurnalist Matteo Moretto.
Manbaga ko‘ra, 20 yoshli futbolchi milliy jamoadagi debyutini JCH-2026 saralashi doirasida Estoniya (5 sentyabr) yoki Isroil (8 sentyabr) terma jamoalariga qarshi o‘tkazishi mumkin.
Klublar o‘rtasidagi jahon chempionati-2025'da Espozito "Inter" safida 2 ta o‘yinda 1 ta gol urdi va 1 ta golli uzatmani amalga oshirdi. 2024/25 yilgi mavsumda u "Spesiya"da ijarada o‘ynadi, 40 ta o‘yinda 19 ta gol urdi va 3 ta golli uzatmani amalga oshirdi.
Hujumchining milanliklar bilan shartnomasi 2030 yilning 30 iyuniga qadar amal qiladi.
