"Наполи" спорт директори Жованни Манна жиддий жароҳат олди. La Gazzetta dello Sport нашрининг ўз саҳифаларида хабар беришича, Манна мини-футбол ўйини пайтида Ахилл пайидан жароҳат олган. 37 ёшли мутахассис шошилинч жарроҳлик амалиётини бошдан кечиришга мажбур бўлди. Манна бир мунча вақт спорт билан шуғуллана олмайди.
Бир неча кундан сўнг "Наполи" 2025/2026 йилги мавсумдаги илк ўйинини ўтказади. 23 август, шанба куни Антонио Конте жамоаси Италия чемпионатининг 1-турида "Сассуоло" меҳмони бўлади.
Эслатиб ўтамиз, "Наполи" Италиянинг амалдаги чемпиони ҳисобланади.













