Opta мутахассислари А Серия мавсуми старти олдидан суперкомпьютерни ишга туширишди ва унинг ёрдамида жамоаларнинг Италия чемпионлигини қўлга киритиш имкониятларини ҳисоблаб чиқишди. Маълум бўлишича, чемпионлик учун энг катта имконият "Интер"да. Келаси йил баҳорда "нерадзуррилар"нинг чемпион бўлиш эҳтимоли 35,9 фоизга тенг. Дарвоқе, ўтган мавсумда "Интер" скудетто учун охиригача курашган бўлса-да, иккинчи ўринни эгаллаганди.

Иккинчи ўринда амалдаги чемпион "Наполи" (13,7%) бормоқда. Кучли учликни "Аталанта" (12,8%) якунлаб берган.

Кейинги ўринларда "Рома" (9,9%), "Ювентус" (8,2%) ва "Милан" (6,7%) бормоқда. Қолган жамоаларнинг имкониятлари 5 фоиздан кам ёки умуман нолга тенг.