Opta mutaxassislari A Seriya mavsumi starti oldidan superkompyuterni ishga tushirishdi va uning yordamida jamoalarning Italiya chempionligini qo‘lga kiritish imkoniyatlarini hisoblab chiqishdi. Ma’lum bo‘lishicha, chempionlik uchun eng katta imkoniyat "Inter"da. Kelasi yil bahorda "neradzurrilar"ning chempion bo‘lish ehtimoli 35,9 foizga teng. Darvoqe, o‘tgan mavsumda "Inter" skudetto uchun oxirigacha kurashgan bo‘lsa-da, ikkinchi o‘rinni egallagandi.

Ikkinchi o‘rinda amaldagi chempion "Napoli" (13,7%) bormoqda. Kuchli uchlikni "Atalanta" (12,8%) yakunlab bergan.

Keyingi o‘rinlarda "Roma" (9,9%), "Yuventus" (8,2%) va "Milan" (6,7%) bormoqda. Qolgan jamoalarning imkoniyatlari 5 foizdan kam yoki umuman nolga teng.