"Челси" ҳимоячиси Уэсли Фофана Лондон клуби мухлисларини ҳайратда қолдирди. Ижтимоий тармоқлардаги саҳифалардан бирида Фофана "Челси" футболчиси экани ҳақидаги маълумотларни ва клубга алоқаси бор барча расмларни олиб ташлади.
Тахминларга кўра, 24 ёшли Фофана "Челси"даги ҳолатидан норози. Премьер-лиганинг биринчи турида "Кристал Пэлас"га қарши ўйинда (0:0) Фофана тўлиқ 90 дақиқа захира ўриндиғида ўтирди.
Умуман олганда, Уэсли Фофана "Челси" сафида 34 та расмий ўйин ўтказган. Уларда футболчи ўз ҳисобига иккита гол ёзиб қўйди.
Премьер-лиганинг 2-турида "Челси"ни яна Лондон дербиси кутиб турибди - "Вест Хэм". Ўйин 22 август, жума куни бўлиб ўтади.
