"Chelsi" himoyachisi Uesli Fofana London klubi muxlislarini hayratda qoldirdi. Ijtimoiy tarmoqlardagi sahifalardan birida Fofana "Chelsi" futbolchisi ekani haqidagi ma’lumotlarni va klubga aloqasi bor barcha rasmlarni olib tashladi.

Taxminlarga ko‘ra, 24 yoshli Fofana "Chelsi"dagi holatidan norozi. Premyer-liganing birinchi turida "Kristal Pelas"ga qarshi o‘yinda (0:0) Fofana to‘liq 90 daqiqa zaxira o‘rindig‘ida o‘tirdi.

Umuman olganda, Uesli Fofana "Chelsi" safida 34 ta rasmiy o‘yin o‘tkazgan. Ularda futbolchi o‘z hisobiga ikkita gol yozib qo‘ydi.

Premyer-liganing 2-turida "Chelsi"ni yana London derbisi kutib turibdi - "Vest Xem". O‘yin 22 avgust, juma kuni bo‘lib o‘tadi.