Испания матбуотида Аргентина терма жамоаси ҳужумчиси Хулиан Альварес Мадриднинг "Атлетико" клубидаги ролидан қониқмаётгани ва клубини ўзгартирмоқчи экани ҳақида маълумот пайдо бўлди.

Ҳужумчини бош мураббий Диего Симеоненинг уни қанотда ўйнашга мажбур қилаётгани, шунингдек, биринчи бўлимдан кейин тез-тез алмаштираётгани қониқтирмаяпти.

Альвареснинг агентлари Хулианнинг "Манчестер Сити"дан "Атлетико"га ўтишини хато деб ҳисобламоқда.

Қизиғи шундаки, бошқа манбалар юқоридагиларнинг барчасини рад этиб, аргентиналик ҳужумчи мадридликлар билан шартномани узайтирмоқчи эканини айтишмоқда.

Альварес "Атлетико" сафида 58 та ўйинда майдонга тушиб, 30 та гол урган ва 8 та голли узатмани амалга оширган.