Ispaniya matbuotida Argentina terma jamoasi hujumchisi Xulian Alvares Madridning "Atletiko" klubidagi rolidan qoniqmayotgani va klubini o‘zgartirmoqchi ekani haqida ma’lumot paydo bo‘ldi.

Hujumchini bosh murabbiy Diyego Simeonening uni qanotda o‘ynashga majbur qilayotgani, shuningdek, birinchi bo‘limdan keyin tez-tez almashtirayotgani qoniqtirmayapti.

Alvaresning agentlari Xulianning "Manchester Siti"dan "Atletiko"ga o‘tishini xato deb hisoblamoqda.

Qizig‘i shundaki, boshqa manbalar yuqoridagilarning barchasini rad etib, argentinalik hujumchi madridliklar bilan shartnomani uzaytirmoqchi ekanini aytishmoqda.

Alvares "Atletiko" safida 58 ta o‘yinda maydonga tushib, 30 ta gol urgan va 8 ta golli uzatmani amalga oshirgan.