Дортмунднинг "Боруссия" клуби "Челси" билан ярим ҳимоячи Карни Чуквуэмека хариди бўйича музокараларни давом эттирмоқда.

Аввалроқ, немис клубининг сотиб олиш шарти билан ижарага бериш борасидаги аввалги таклифи лондонликлар томонидан рад этилгани хабар қилинганди. Ҳозирда инсайдер Фабрицио Романо дортмундликлар футболчини тўғридан-тўғри сотиб олишга тайёрлигини маълум қилмоқда, айни пайтда трансфернинг якуний нархи келишиб олинмоқда.

2025 йилнинг февралидан июлигача Чуквуэмека "Боруссия" сафида ижара асосида ўйнаган, 17 та ўйинда майдонга тушиб, 1 та гол урган.