"Ювентус" бош мураббийи Игор Тудор трансфер ойнаси муддатини ўзгартиришга чақирди.
Мутахассиснинг фикрича, трансфер ойнаси мавсум бошланишидан олдин ёпилиши керак.
"Мавсумни очиқ трансфер ойнасида бошлаётганимиз мени ақлдан оздиради. Ҳозир ҳар қандай мураббий шундай ҳолатда. Бизда ишонч йўқ, асосий нарсага - кундалик ишга эътибор қарата олмаймиз. Умид қиламизки, бу ўзгаради. Трансфер ойнаси мавсум бошланишидан бир ҳафта олдин ёпилиши керак. Аммо биз ҳозирги ҳолатимизга рози бўлишимиздан бошқа чора йўқ", - деди Тудор.
А Серия 1-турида "Ювентус" ўз майдонида "Парма"ни қабул қилади. Ўйин 24 август, якшанба куни бўлиб ўтади.
