Бугун бўлиб ўтган "Гулистон" - “Насаф” 0:4 учрашувида ҳам voha.uz сайти ижодкори Зиёдулла Сафаров бевосита стадионда ўйинни кузатиб, учрашув статистикасини олиб борди.
Севимли "Насаф" жамоамиз кейинги бешта учрашувда ҳам ғалаба қозониб, ўзининг навбатдаги рекордини ўрнатди. Кейинги беш учрашувда футболчиларимиз томонидан дарвозаларга 21 марта гол киритилди!
Демак, голларни арифметика қилсак, ҳар бир учрашувга 4,2тадан гол тўғри келар экан. Марҳамат энди бугунги учрашув статистикаси маълумотлари билан танишинг:
| Гулистон | Кўрсаткичлар | Насаф |
| 0 | Голлар | 4 |
| 6 | Зарбалар | 15 |
| 2 | Аниқ зарбалар | 10 |
| 12 | Қоида бузишлар | 7 |
| 1 | Офсайд | 1 |
| 3 | Бурчак тўплари | 5 |
| 0 | Огоҳлантириш | 2 |
| 0 | Четлатиш | 0 |
Шундай қилиб, "Насаф" жамоаси XXII миллий чемпионатимиз биринчи даврасини 29 очко тўплаб, 3-поғонада якунлашди. Улар 9 ғалаба, 2 дуранг ва 2 мағлубият қайд этишди. Жамоамиз гол киритишда "Локомотив" жамоаси билан тенглашиб олди. "Насаф" рақиблар дарвозасини 32 марта ишғол қилиб, ўз дарвозаларидан 14 марта тўп олиб чиқишган. Голларнинг 21 таси кейинги кейинги 5 учрашувда киритилгани ҳужумчиларимизнинг савияси ва маҳорати анча ошаётганидан дарак беради.
Албатта, бунга бошқа ўйинчиларимизнинг ҳам ҳиссалари катта эканлигини чуқур эътироф этамиз. Раҳмат йигитлар!
