Миланнинг "Интер" клуби ҳимоячиси Бенжамен Павар "Барселона"да ўзини синаб кўрмоқчи. 29 ёшли футболчини "Галатасарой" ўз сафига қўшиб олмоқчи, аммо француз турк клубига ўтиш истагида эмас. Журналист Экрем Конурнинг маълум қилишича, Павар таклиф бўлса, "Барселона"га ўтишни маъқул кўрмоқда. Футболчига "кўк-анорранглилар" ҳам қизиқиш билдираётган эди.
Яқинда Бенжамен Паварга даъвогарлар қаторида Саудия Арабистони чемпионати вакиллари ва Франциянинг "Марсель" клуби ҳам тилга олинган эди. Transfermarkt портали экспертлари жаҳон чемпионининг нархини 25 млн еврога баҳоламоқда.













