"Бавария" ҳужумчиси Харри Кейн янги мавсумни навбатдаги хет-трик билан бошлади.

Англиялик футболчи Германия чемпионатининг 1-турида "РБ Лейпциг"ни мағлуб этишга ёрдам берди - 6:0. 32 ёшли ҳужумчи 64, 74 ва 78-дақиқаларда рақиб дарвозасини ишғол қилди - у мюнхенликларнинг сўнгги учта голига муаллифлик қилди. Squawka хабарига кўра, Кейн Бундеслигада саккизта хет-трик қайд этган - у "Тоттенхэм" сафида Англия Премьер-лигасида ҳам шунча хет-трикка эришган.

Харри Бундеслигада 64 та ўйинда 65 та гол урган бўлса, АПЛда 320 та ўйинда 213 та гол урган.

"Бавария" ҳужум чизиғи етакчиси ўтган икки мавсумда Германия чемпионатининг энг яхши тўпурари бўлганди.