«Барселона» бош мураббийи Ханс-Дитер Флик Испания Ла Лигасининг 2-туридан ўрин олган «Леванте» (3:2)га қарши баҳсда нега ҳужумчи Маркус Рашфордни бўлимлар оралиғида майдондан олганини тушунтирди. Англиялик футболчи ўйинни асосий таркибда бошлаган, аммо иккинчи бўлимни унинг ўрнига испаниялик Даниэль Ольмо бошлади.

«Маркус биринчи бўлимда бир нечта вазиятда фаол иштирок этди ва жамоага ёрдам бера олишини кўрсатди. Аммо иккинчи бўлимда бизга тактик ўзгаришлар киритишга тўғри келди, қанотга Рафиньяни туширдик. Бу зарур қарор эди. Ўйлайманки, бу алмашинувлар тўғри бўлди. Танаффусдан кейинги биринчи гол ўйиннинг йўналишини ўзгартирди», — дея Фликнинг сўзларини Marca нашри келтирмоқда.

Эслатиб ўтамиз, танаффусга жамоалар 2:0 ҳисобида «Леванте» фойдасига чиқиб кетишди. Аммо орадан етти дақиқа ўтмасдан Педри ва Ферран Торрес ҳисобни тенглаштирди. Ўйиннинг охирги дақиқаларида, қўшимча вақтда, каталонияликлар ғалабани илди. «Барселона» икки турдан кейин олти очко жамғариб, турнир жадвалида пешқадамлик қилмоқда. «Леванте» эса очко ололмаган ҳолда 18-поғонада жойлашган.