"Астон Вилла" "Барселона" ярим ҳимоячиси Марк Касадога даъвогарлик қилмоқда. 21 ёшли футболчига кўплаб турли клублар қизиқиш билдирган. Сўнгги таклиф "Вилла"дан тушди: бирмингемликлар хавбек учун 30 млн евро тўлашга тайёрлигини билдирган, аммо футболчининг ўзи "Барса"да қолишга қатъий қарор қилган. Трансфер амалга ошиши даргумон.
Марк Касадонинг Каталония гранди билан шартномаси 2028 йилнинг ярмигача мўлжалланган. Умуман олганда, у "кўк-анорранглилар"нинг асосий жамоаси сафида 42 та ўйинда майдонга тушиб, битта гол ва олтита голли узатмани ўз ҳисобига ёздириб қўйган.
