"Галатасарой" "Манчестер Сити" дарвозабони Эдерсон трансферидан умид узмаяпти. Аввалроқ бўлиб ўтган муҳокамалар муваффақиятсиз якунланди - клублар келишув шартлари бўйича келиша олмади. Шунга қарамай, Туркия Суперлигаси гранди раҳбарияти таслим бўлмаяпти: дарвозабон бўйича янги музокаралар бугун, душанба куниёқ бўлиб ўтиши кутилмоқда, деб ёзади Daily Mail.
Бу ёзда "шаҳарликлар" "Бёрнли"дан Жеймс Траффордни олиб келиб, дарвозабонлик позициясини мустаҳкамлади. Бундан ташқари, тез орада Хосеп Гвардиола жамоаси сафини "ПСЖ" аъзоси Жанлуижи Доннарумма ҳам тўлдириши мумкин.
Transfermarkt талқинига кўра, Эдерсоннинг нархи 20 млн еврога баҳоланмоқда. 32 ёшли бразилияликнинг "Манчестер Сити" билан шартномаси келаси йили якунига етади.
