"Бавария" раҳбарияти "Штутгарт" ҳужумчиси Ник Вольтемаде номзодини кўриб чиқишда давом этмоқда.

Бу ёзда Мюнхен гранди футболчини трансфер қилишга бир неча бор уриниб кўрди, аммо "шваблар" ҳар сафар рад жавобини беришди. Журналист Георг Хользнернинг маълумотига кўра, сўнгги кунларда "Бавария"да Вольтемадени сотиб олиш масаласи яна қизғин муҳокамаларга сабаб бўлмоқда. Душанба куни клуб кузатув кенгаши йиғилиши бўлиб ўтади ва унда трансфер даврининг сўнгги кунларида амалга оширилиши мумкин бўлган харидлар муҳокама қилинади.

Яқинда "Бавария" яна бир футболчини ижарага олиш ниятида эканини маълум қилди.