"Bavariya" rahbariyati "Shtutgart" hujumchisi Nik Voltemade nomzodini ko‘rib chiqishda davom etmoqda.
Bu yozda Myunxen grandi futbolchini transfer qilishga bir necha bor urinib ko‘rdi, ammo "shvablar" har safar rad javobini berishdi. Jurnalist Georg Xolznerning ma’lumotiga ko‘ra, so‘nggi kunlarda "Bavariya"da Voltemadeni sotib olish masalasi yana qizg‘in muhokamalarga sabab bo‘lmoqda. Dushanba kuni klub kuzatuv kengashi yig‘ilishi bo‘lib o‘tadi va unda transfer davrining so‘nggi kunlarida amalga oshirilishi mumkin bo‘lgan xaridlar muhokama qilinadi.
Yaqinda "Bavariya" yana bir futbolchini ijaraga olish niyatida ekanini ma’lum qildi.
