"Бавария" "Челси" ҳужумчиси Кристофер Нкунку билан шартнома имзолашдан бош тортиши мумкин. Мюнхен клуби "кўклар" томонидан сотувга қўйилган 27 ёшли футболчига асосий даъвогар ҳисобланади. Журналист Георг Хользнернинг маълум қилишича, "Бавария" раҳбариятида Лондонда ўзини кўрсата олмаган французни таклиф қилиш мақсадга мувофиқлигига шубҳа бор. "Челси" ҳужумчини ижарага беришга тайёр бўлса ҳам, трансфер амалга ошмаслиги мумкин.
Кристофер Нкункунинг ўзи "Бавария"га ўтишни истамоқда ва клублар келишувга эришишини кутмоқда. Футболчи билан унга яхши таниш бўлган "РБ Лейпциг" ҳам қизиқиш билдирмоқда.
