"Bavariya" "Chelsi" hujumchisi Kristofer Nkunku bilan shartnoma imzolashdan bosh tortishi mumkin. Myunxen klubi "ko‘klar" tomonidan sotuvga qo‘yilgan 27 yoshli futbolchiga asosiy da’vogar hisoblanadi. Jurnalist Georg Xolznerning ma’lum qilishicha, "Bavariya" rahbariyatida Londonda o‘zini ko‘rsata olmagan fransuzni taklif qilish maqsadga muvofiqligiga shubha bor. "Chelsi" hujumchini ijaraga berishga tayyor bo‘lsa ham, transfer amalga oshmasligi mumkin.
Kristofer Nkunkuning o‘zi "Bavariya"ga o‘tishni istamoqda va klublar kelishuvga erishishini kutmoqda. Futbolchi bilan unga yaxshi tanish bo‘lgan "RB Leypsig" ham qiziqish bildirmoqda.
