Германиялик ярим ҳимоячи Илкай Гюндоган жорий трансферлар даврида ўзининг ҳозирги клуби - "Манчестер Сити"ни тарк этиши мумкин.
fotbollskanalen.se нашри тарқатган хабарга кўра 34 ёшли футболчида Германия чемпионатида ўйнаш варианти бор. Гюндоганга ҳамкорликни Леверкузеннинг "Байер" клуби таклиф қилиши мумкин. Илкайнинг "шаҳарликлар" билан амалдаги меҳнат шартномаси келаси йилнинг ёзида ўз ниҳоясига етади.
Аввалроқ, "Манчестер Сити" устози Хосеп Гвардиола ярим ҳимоячининг хизматларига қизиқмаётгани ҳақида хабарлар тарқалган эди.
Гюндоганнинг бозор нархи Transfermarkt портали томонидан беш миллион еврога баҳоланмоқда.













