Лондоннинг "Арсенал" ва "Штутгарт" клублари ярим ҳимоячи Фабиу Виейра трансфери бўйича музокараларни муваффақиятсиз якунлади.
The Sun журналисти Жордан Дэвиснинг маълум қилишича, клублар португалиялик футболчи борасида келишувга эриша олмаган. Энди немис клуби трансфер бозорида бошқа мақсадларга ўтди.
Эслатиб ўтамиз, Виейра 2022 йилнинг ёзида "Арсенал" футболчисига айланган эди. Ўтган мавсумда 25 ёшли ярим ҳимоячи ижара асосида ўзи тарбия топган "Порту"да ўйнаган, аммо ёзда "канонирлар" ихтиёрига қайтганди.
Аввалроқ, "Арсенал" Виейра учун тахминан 30 млн евро олишни режалаштираётгани ҳақида хабарлар тарқалган эди. Португалияликнинг "канонирлар" билан шартномаси яна икки йилга мўлжалланган.
