Londonning "Arsenal" va "Shtutgart" klublari yarim himoyachi Fabiu Viyeyra transferi bo‘yicha muzokaralarni muvaffaqiyatsiz yakunladi.
The Sun jurnalisti Jordan Devisning ma’lum qilishicha, klublar portugaliyalik futbolchi borasida kelishuvga erisha olmagan. Endi nemis klubi transfer bozorida boshqa maqsadlarga o‘tdi.
Eslatib o‘tamiz, Viyeyra 2022 yilning yozida "Arsenal" futbolchisiga aylangan edi. O‘tgan mavsumda 25 yoshli yarim himoyachi ijara asosida o‘zi tarbiya topgan "Portu"da o‘ynagan, ammo yozda "kanonirlar" ixtiyoriga qaytgandi.
Avvalroq, "Arsenal" Viyeyra uchun taxminan 30 mln yevro olishni rejalashtirayotgani haqida xabarlar tarqalgan edi. Portugaliyalikning "kanonirlar" bilan shartnomasi yana ikki yilga mo‘ljallangan.













