Мадриднинг "Реал" клуби собиқ футболчиси Лукас Васкес фаолиятини Германияда давом эттириши мумкин. 34 ёшли футболчини Леверкузеннинг "Байер" клуби нишонга олди, дея хабар бермоқда инсайдер Фабрицио Романо. "Доришунослар" аллақачон тажрибали испаниялик билан боғланган - қарор футболчига боғлиқ.
Лукас Васкес июль ойида "Реал"ни тарк этганида эркин агентга айланганди. "Қаймоқранглилар" сафида ўтмишда қанот ҳимоячиси сифатида ўйнаган футболчи жами 402 та ўйин ўтказиб, 38 та гол ва 73 та голли узатмани амалга оширган.
"Байер" Бундеслиганинг ўтган мавсумида 2-ўринни эгаллади. Ёзда жамоада мураббий ўзгарди: "Реал"га кетган Хаби Алонсо ўрнига Эрик тен Хаг тайинланди.
