Испаниянинг "Жирона" клубига тегишли бўлган 22 ёшли ҳимоячи Арнау Мартинес Англия Премьер-лигасининг топ-клубларидан бирига кўчиб ўтиши мумкин. Бу ҳақда Footmercato журналистлари хабар бермоқда.
Манбага кўра, футболчининг трансферига Лондоннинг "Арсенал" клуби қизиқиш билдирмоқда. "Канонирлар" раҳбарияти футболчининг трансфери учун саккиз миллион евро ва яна икки миллион бонус тўловларини таклиф қилмоқда.
Ўтган мавсумда ҳимоячи 39 та ўйинда қатнашиб, 3 та гол ва 3 та голли узатмани ўз ҳисобига ёздириб қўйди. Унинг меҳнат шартномаси 2027 йил июнь ойи охиригача мўлжалланган. Арнаунинг бозор нархи ўн миллион еврога баҳоланмоқда.
