Мадриднинг "Реал" клуби марказий ярим ҳимоячиси Дани Себальос бошқа жамоага ўтишга қизиқиш билдирмоқда. Бу ҳақда журналист Фабрицио Романо ўз ижтимоий тармоқларида маълум қилди.
Аввалроқ, ўша манба хабар берганидек, 29 ёшли футболчининг хизматларига Франциянинг "Марсель" клуби даъвогарлик қилмоқда. Сўнгги маълумотларга кўра, клублар трансфер бўйича музокаралар олиб бормоқда, ижара ва кейинчалик камида 15 миллион еврога сотиб олиш варианти бўлиши мумкин. Қайд этилишича, француз клуби Себальосни трансферга қўйилган Рабьо билан боғлиқ воқеа нима билан тугашидан қатъи назар ўз сафига қўшиб олмоқчи.
Себальос бу мавсумда клуб миқёсида 2 та ўйинда майдонга тушиб, жами 4 дақиқа ҳаракат қилди.
