Madridning "Real" klubi markaziy yarim himoyachisi Dani Sebalyos boshqa jamoaga o‘tishga qiziqish bildirmoqda. Bu haqda jurnalist Fabrisio Romano o‘z ijtimoiy tarmoqlarida ma’lum qildi.
Avvalroq, o‘sha manba xabar berganidek, 29 yoshli futbolchining xizmatlariga Fransiyaning "Marsel" klubi da’vogarlik qilmoqda. So‘nggi ma’lumotlarga ko‘ra, klublar transfer bo‘yicha muzokaralar olib bormoqda, ijara va keyinchalik kamida 15 million yevroga sotib olish varianti bo‘lishi mumkin. Qayd etilishicha, fransuz klubi Sebalyosni transferga qo‘yilgan Rabyo bilan bog‘liq voqea nima bilan tugashidan qat’i nazar o‘z safiga qo‘shib olmoqchi.
Sebalyos bu mavsumda klub miqyosida 2 ta o‘yinda maydonga tushib, jami 4 daqiqa harakat qildi.
