"Лестер" ярим ҳимоя чизиғи етакчиларидан бири Билол Эл-Ханнус инглиз клубини тарк этишга яқин турибди. Шу муносабат билан "тулкилар" унинг ўрнига Нидерландия чемпионати клуби футболчисини сотиб олади. Бу ҳақда журналист Роб Дорсетт хабар бермоқда.
Манбага кўра, "Лестер" "Фейеноорд" хавбеки Кэлвин Стенгсни нишонга олган. Клублар ўртасидаги музокаралар дастлабки босқичда, аммо Нидерландия клуби муносиб таклиф олса, 26 ёшли футболчини қўйиб юборишга тайёрлиги қайд этилган.
Ўтган мавсумда Стенгс "Фейеноорд" сафида 16 та ўйинда майдонга тушиб, 1 та гол ва 4 та голли узатмани ўз ҳисобига ёздириб қўйган. Transfermarkt маълумотларига кўра, унинг нархи 7 млн еврони ташкил этади.
