"Lester" yarim himoya chizig‘i yetakchilaridan biri Bilol El-Xannus ingliz klubini tark etishga yaqin turibdi. Shu munosabat bilan "tulkilar" uning o‘rniga Niderlandiya chempionati klubi futbolchisini sotib oladi. Bu haqda jurnalist Rob Dorsett xabar bermoqda.

Manbaga ko‘ra, "Lester" "Feyenoord" xavbeki Kelvin Stengsni nishonga olgan. Klublar o‘rtasidagi muzokaralar dastlabki bosqichda, ammo Niderlandiya klubi munosib taklif olsa, 26 yoshli futbolchini qo‘yib yuborishga tayyorligi qayd etilgan.

O‘tgan mavsumda Stengs "Feyenoord" safida 16 ta o‘yinda maydonga tushib, 1 ta gol va 4 ta golli uzatmani o‘z hisobiga yozdirib qo‘ygan. Transfermarkt ma’lumotlariga ko‘ra, uning narxi 7 mln yevroni tashkil etadi.