"Челси" Алехандро Гарначонинг трансфери бўйича музокараларни давом эттирмоқда ва шартномани жорий трансфер ойнаси тугагунига қадар ёпишни кутмоқда. Бу ҳақда журналист Бен Жейкобс хабар берди.
Унга кўра, "Манчестер Юнайтед" аллақачон лондонликларнинг бир нечта таклифларини рад этган, аммо "кўклар" ҳали ҳам яқин кунларда муроса топилишига ишончи комил. Олдинроқ ОАВ аргентиналик вингернинг "Челси" билан шахсий шартномаси шартлари келишиб олингани ҳақида хабар берган эди.
Transfermarkt портали Гарначони 45 миллион еврога баҳоламоқда. Футболчи 2022 йилдан буён "Манчестер Юнайтед"да ўйнаб келмоқда, бироқ, Британия матбуоти хабарига кўра, бош мураббий Рубен Аморим футболчига ишонч билдирмаяпти, шу сабабли клуб уни сотмоқчи.
