"Chelsi" Alexandro Garnachoning transferi bo‘yicha muzokaralarni davom ettirmoqda va shartnomani joriy transfer oynasi tugaguniga qadar yopishni kutmoqda. Bu haqda jurnalist Ben Jeykobs xabar berdi.
Unga ko‘ra, "Manchester Yunayted" allaqachon londonliklarning bir nechta takliflarini rad etgan, ammo "ko‘klar" hali ham yaqin kunlarda murosa topilishiga ishonchi komil. Oldinroq OAV argentinalik vingerning "Chelsi" bilan shaxsiy shartnomasi shartlari kelishib olingani haqida xabar bergan edi.
Transfermarkt portali Garnachoni 45 million yevroga baholamoqda. Futbolchi 2022 yildan buyon "Manchester Yunayted"da o‘ynab kelmoqda, biroq, Britaniya matbuoti xabariga ko‘ra, bosh murabbiy Ruben Amorim futbolchiga ishonch bildirmayapti, shu sababli klub uni sotmoqchi.













