Александер Исак "Ньюкасл" билан ишлашни бойкот қилишни давом эттирмоқчи.
Аввалроқ, "Ньюкасл" ҳужумчини 110 млн фунт ва бонуслар эвазига "Ливерпуль"га сотмаган эди. Ҳужумчи "ҳаккалар" сафида ўйнашдан ва жамоа билан машғулот ўтказишдан бош тортмоқда. Футболчи клубнинг қандайдир ваъдаси "бузилгани" ҳақида баёнот берди.
The Telegraph хабарига кўра, швециялик футболчи "Ньюкасл"ни тарк этиш истагидан қайтмаяпти ва "Ливерпуль"га ўтиш ниятида эканини таъкидламоқда. "Ҳаккалар" директорларининг Исак билан учрашуви натижа бермади.
"Ливерпуль" ҳужумчи бўйича яна бир таклиф беришга тайёр, аммо "Ньюкасл" раҳбариятидан сигнал кутмоқда. Шу билан бирга, "қизиллар" 150 миллион фунт тўламайди - аввалроқ "ҳаккалар" шунча миқдорда пул сўраган эди.
