Aleksander Isak "Nyukasl" bilan ishlashni boykot qilishni davom ettirmoqchi.
Avvalroq, "Nyukasl" hujumchini 110 mln funt va bonuslar evaziga "Liverpul"ga sotmagan edi. Hujumchi "hakkalar" safida o‘ynashdan va jamoa bilan mashg‘ulot o‘tkazishdan bosh tortmoqda. Futbolchi klubning qandaydir va’dasi "buzilgani" haqida bayonot berdi.
The Telegraph xabariga ko‘ra, shvesiyalik futbolchi "Nyukasl"ni tark etish istagidan qaytmayapti va "Liverpul"ga o‘tish niyatida ekanini ta’kidlamoqda. "Hakkalar" direktorlarining Isak bilan uchrashuvi natija bermadi.
"Liverpul" hujumchi bo‘yicha yana bir taklif berishga tayyor, ammo "Nyukasl" rahbariyatidan signal kutmoqda. Shu bilan birga, "qizillar" 150 million funt to‘lamaydi - avvalroq "hakkalar" shuncha miqdorda pul so‘ragan edi.













